Click below to play என் புதுக்கனவு (My New Dream): 

என் புதுக்கனவு

யாருமில்லா
ஒரு ஏகாந்த வேளை,
சில்லென்று வீசுகிறது
தென்றல்…

சோவென்று இரைகிறது
கடலலை…
கொஞ்சும் மொழிகள்
பேசியபடி
பூமி மகளை முத்தமிட
வருகிறான்
விண்மீன் காதலன் ..

நீயும் நானும்
அவ்வழகிய கடற்கரையில் ..
உன் மடியில்
நான் கிடக்க,
விரல்களால்
என் தலைக் கோதிக்கொண்டே,
சுழன்று வரும் காற்றைத்
தடுக்கும் அரண் போல்,
நெருக்கமாக
மிகவும் நெருக்கமாக,
ஒருவரை ஒருவர்
அணைத்துக் கொண்டு,
இதழோடு இதழ் சேர்த்து
பூவில் தேன் துழாவும்
வண்டு போல்,
தேன் எடுத்துக் கொண்டு
புரளுகையில்,
அடக்க இயலா மகிழ்ச்சியுடன்
பூக்களாய்
மழையை தூவுகிறான்
மேகக் காதலன்…
தளிர்க் கரம் கொண்டு
பூவாய் தாங்குகிறாள்
பூமிக் காதலி…

கண் திறக்கிறேன்
என் தலை
உன் மார்பில்…
இறுக அணைத்திருக்கும்
உன் கைகள்…

அப்போதும்
வியப்பில் விழிக்கிறேன்,
என் இதழோடு உன் இதழை
நீ சேர்த்தப் பின் தான் தெரிந்தது,
நான் காண்பது
கனவல்ல என்று…

இது ஒரு புதுக் கனவு…